الرئيس السيسي: أمنيتى الشخصية أن ربنا يرضى عنى وبحلم لبلدى وحققنا خطوة فى الحلم
قال الرئيسي عبد الفتاح السيسي “أصعب لحظة اللى حسيت فيها إن بلدنا ممكن تروح، ويا علي أحيانا يكون فهمك مش كده يعذبك لو انت بتفهم وتعرف قوى ممكن تتعذب قوي لانك هتشوف حاجات محدش هيعرفها غيرك، أصعب لحظة طب ليه خفت، خفت على ناسي وأهلى وكل الناس اللى موجودة في مصر عددنا كبير وظروفنا صعبة فلو البلد راحت الناس دي هتروح فين؟.
وعن أسعد لحظة قال الرئيس فى احتفالية قادرون لذوى الهمم. من الابطال. : “لسه مجتش، هو الحلم اللى أنا بحلمه لبلدي برضه، بيكم وبمصر والمصريين والشباب والكبار وبقادرون باختلاف اللى بعول بيهم أمام الله وبقسم بيهم أمام الله
واضاف الرئيس عبد الفتاح السيسي، قائلا: “أمنيتي الشخصية أن ربنا يرضى عنى.. دى أمنية عزيزة أوى.. ربنا عظيم السماوات والأرض.. صاحب الكون كله.. صاحب الملك كله.. يرضى عنى.. ياريت.. دى الأمنية الشخصية”.
وتابع الرئيس السيسى: “أنا بحلم لبلدى.. وبحلم بيها.. وإحنا مشينا خطوة من ألف.. فاضل خطوة من ألف يعلمها المصريين”.
وقالت الطالبة نورهان إن أمنيتها الشخصية: “نفسى أكون مذيعة ممثلة وعارضة أزياء..
محدش يقول ذوى إعاقة.. إحنا القادرون باختلاف ونفسى أكون ممثلة”، ليرد عليها
الرئيس السيسي: “أستاذ أشرف عبد الباقى عنده مسرح كتير.. طب يلا بقى.. ونشوف حاجة لنورهان
