الرئيس السيسى: حركة تطوير الدولة المصرية ستكون مستمرة بلا توقف
قال الرئيس عبد الفتاح السيسى، أن الهدف دائما محاولة تقسيمنا وزرع الخلاف بينا على أي شكل من الأشكال وضعا في الاعتبار أنه مفيش حاجة واحدة لازم يبقى فيه اختلاف وتنوع وتعدد، متابعا: “مفيش حاجة اسمها أنا اللى صح وغيرى غلط.. وممكن يقول انا صح واللى قدامى صح والنقاش يهدف لكده.. واحنا بنتعامل مع بعضنا البعض لازم أننا نكون على قلب راجل واحد”.
وأضاف الرئيس السيسى، “عملية تطوير الدول فيها حركة مستمرة لا تتوقف أبدا ولو توقفت يبقى فيه مشكلة في الدولة.. وإن شاء الله لا يكون موجودا هذا التوقف في مصر”.
قال الرئيس عبدالفتاح السيسي، إن الله تعالى مكن الرئيس الراحل أنور السادات في رؤية أدبيات ومفاهيم انها لن تستمر بعد حرب أكتوبر ولابد من تجاوزها بمفاهيم جديدة ، لذلك أطلق مبادرة السلام التي أثبتت قدرة السادات على قراءة الواقع بعد 40 عاما وأكثر.
وأضاف الرئيس :”بتمنى إن كتير من قضايا منطقتنا والحكام المسؤولين عن إدارة الأزمات فيها أن يستطيعوا أن يتجاوزا أدبيات ومفاهيم مستقرة وينطلقوا إلى أعماق أفضل من كده..معلقا: “أكتوبر روح ملهمة هتفضل موجودة في مصر وتلهمنا بدروسها التي لن تندب”.
قال الرئيس عبد الفتاح السيسي، خلال كلمته بالندوة التثقيفية “العبور الي المستقبل” بمناسبة احتفالات القوات المسلحة بنصر أكتوبر المجيد، إن :”روح نصر أكتوبر ستظل ملهمة بدروسها، وستظل موجودة في مصر وتؤكد قدرة الشعب والجيش ومؤسساته، وأقول للمصريين أنتم قدمتم للجيش الكثير وأتذكر كلمة سمعتها من المشير طنطاوي، حينما قال إن الشعب وقف في الطوابير، عشان نقدر في الجيش نحارب، ودايما فضل شعب مصر على جيش مصر أبدًا أبدًا لن ينسى”.
وأوضح الرئيس :”إنك تقف جنب حد قوي طبيعي، لكن محدش يفرض عليك تقف جنب حد ضعيف، وهذا أحد دروس أكتوبر، وبقول للمصريين جه الدور اللى جيشكم بيرده دلوقتي بعمل غير مسبوق، وبقول إن ما تحقق في الـ 7 سنوات الماضية كل المؤسسات شاركت فيه، حتى الجيش الذي يتركز دوره على مواجهات الصراعات.. وساهم بما أمكن في التنمية وأتصور إننا شايفين ده ونشعر به جيدًا.. وأوعوا حد أو أي كلام يفرق بين المصريين وبعضهم البعض وكل الجيش والشرطة ، ودايما تكونوا على قلب رجل واحد، وفي 67 الرئيس جمال عبد الناصر قال إنه هيستقيل، لكن لما البلد وقفت خلفه إيد واحد استعدنا قوتنا وعملنا النصر تاني، ودا درس مهم اوي”.
كما أكد الرئيس عبد الفتاح السيسي، أن الشعب المصرى قدم الكثير لجيشه، مضيفا: “عاوز أقول للمصرين أنتم قدمتوا للجيش كتير وافتكر كلمة من سيادة المشير وأنا صغير قال: الشعب ده وقف في طابور علشان سلع غذائية لأجل أن احنا في الجيش”.
وأضاف الرئيس : وهو قال دايما فضل شعب مصر على جيش مصر ابدا لن ينسى، متابعا: “انك تقف جنب حد قوى طبيعى وحد محتاج وضعيف محدش بيفرض عليك كده.
ووجه الرئيس حديث للمصريين: أنا بقول للمصريين اللى انتوا عملتوه مع الجيش جه الدور اللى جيشكم بيرده دلوقتي بعمل غير مسبوق”.
