مسلسل هجمة مرتدة وأحمد عز يتصدران تريند تويتر بعد عرض الحلقة الرابعة
تصدر هاشتاجا “مسلسل هجمة مرتدة” و”أحمد عز” قائمة تريند تويتر فى مصر، بالتزامن مع عرض الحلقة الرابعة من مسلسل “هجمة مرتدة” بطولة النجم أحمد عز والنجمة هند صبرى، على قناة dmc، مساء الجمعة،
وأشاد المغردون بأحداث المسلسل وأداء البطل أحمد عز، مؤكدين أن أحداث المسلسل توثق الصراع فى الشرق الأوسط وكيف يتم التخطيط لتقسيم الدول العربية.
وتنوعت تغريدات المشاركين من خلال الهاشتاج، حيث قالت نشوى: “مسلسل هجمة مرتدة فى رأيى هو أهم مسلسل السنادى.. بيحكى الحكاية من أولها خالص، من سنة 2007، الكلام اللى بقالنا كذا سنة بنقوله والناس مكنتش مقتنعة.. بيوثق الصراع اللى بيحصل فى الشرق الأوسط وإزاى تم التخطيط لتقسيم الدول العربية على أساس عرقى ودينى، وازاى الدول المعادية بتجند الشباب عشان يشتغلوا معاهم وهما مقتنعين إنهم بيشتغلوا لصالح بلدهم، وازاى بيتم زعزعة الاستقرار وضرب الجبهة الداخلية للدولة المستهدفة، وازاى بيتخلق رأى عام مناهض للنظام فيها، اتفرجوا عليه يا جماعة”.
فيما قال محمد المصرى: “أى حاجة فيها من ملفات المخابرات العامة، اعرف إنها عظمة وحاجة للزمن”، وقال عمرو الزناتى: “حقيقى مسلسل هجمة مرتدة ده من أفضل المسلسلات اللى السباق الرمضانى، وكمان بيحكى قصة المؤامرة من الأول خالص، سيف بيشتغل على ملف الإرهاب فى العراق، ودينا بتشتغل على ملف المنظمات الدولية وجمعيات حقوق الإنسان”.
